Popular Bible Verses from DANIELI 8

Share

Siʼa da mewali maroso kojo, paikanya banya ua rosonya ngkalionya. Siʼa da mampareʼe kagero anu ndapokaeka pai nunjaa ntano anu napowia sangaya-ngaya da mewali. Siʼa da mangagero waʼa ntau anu maroso pai waʼa ntau mPue Ala. Ua siʼa maria akalanya waʼa mpombambanya da moyowe. Siʼa da mampobangke-bangkeka koronya, pai ri kabareʼenya ndasoro-soro siʼa da maʼopisaka sondo tau. Sako Mokole Anu Makuasa nataha maewa. Paikanya siʼa da ndalesaki banya ua roso ntolino.

“Yaku da mangantoʼoka siko nunjaa anu da mewali ri purinya ua karau ndaya i mPue Ala. Maka pepatongawa anu nukita setu inceʼe mantuju kapusa lino. Bimba laki anu nukita setu, anu mampotumpu tondu radua, inceʼe mantuju kamokole Media pai Perisia. Mbula laki setu mantuju kamokole Yunani, pai tondu anu mojunjoa ri oyo matanya radua, inceʼemo kamokole anu kaʼisa.