Popular Bible Verses from Mrk. 16

Share

Kuanangan ka matada, “Kenan kam ka sangalio polak, ngantomanake kam Katuareman Simaeru ka sangamberi sirimanua.

Toggaiat sipaalei sia simatonem baga ia te: Rausiake sanitu ka oningku; ratiboake nganga sibau taiaagaietda. Ke rarape ulou ele ralo gaut pasimatei, ta ilalango sia. Rape rarapeake kabeira ka sirimanua simabesi, male ramale.”

Simatonem baga samba siturarau, ia te maaarau; sitaimatonem baga geti tuuukumake le.

Eirangan leu sipasiuluinia masipaarep Katuareman Simaeru ka senen laggai. Romakenangan sia si Tuhan, ronakenangan ngantomanda kalulut kerek sipaalei sia. [

Kuanangan silainge, “Ba maloloto kam! Kuagai, ainugagaba kam Jesus tai Natsaret siniliktengaakenen. Taan anai nia sene, atusurungan nia! Itco kam kudduat katugalangannia.

Kele araloggouake ratei, itcorangan atuguiluan bukku; makope beu poi bukku nenda. Buluk sia ka bagat ratei, itcorangan sara silainge sipuleleppei simabulau muuddet isit kai kattoet, tugegerangan.