Popular Bible Verses from 2Taw. 20

Share

samba kuanangan, “Arepake ale tuanku Rimata Josafat samba sangamberi tai Jehuda samba leu sipulaggai ka Jerusalem. Aikua si TUHAN: Bui' numaloto kam masisaggangi saladdu simigi nenda. Kalulut ta kam pasasaggak, tapoi Taikamanua le.

Kabagat pasaggangan nene ta pasasaggak kam. Kenan le kam ka kudduat siteuakenen kakam samba pangena kam sedda. Nuinco te kam geti si TUHAN iake kamanangan katubumui. Ale sipulaggai ka Jehuda samba Jerusalem, bui'' makarat bagamui samba bui'' numaloto kam. Kenan kam mansep nuailiake kam sia, ipaalei le geti kam si TUHAN.”

Ekeu le Taikamanuamai! Ukumake sia, kalulut taanai ronmai masisaggangi saladdu simigi nenda, sioba masisaggangi kai. Ta kuagai kai aponia kipa kugagalai kai, kalulut nenda moi kai katubum masitiddou paroman.”

Ka lepat aipatiboake siberikabaga, rimata masikoiniake sipuurai muleppei simakere kele simatukkle rapakei ka punen sikokoi kabagat arat. Sipuurai nenda buita muenung sipatutut kamatat mungkuat saladdu sialei urai, “Umun kam si TUHAN! Nuntut bagaNia sitaitatata!”

Kateteret sipuurai nenda musoga muurai, galainangan si TUHAN ramasaragai tai saggak sipasisasaggangi sia.

Malotonangan simakope si Josafat, lepa panindounangan itiddou enungan sibara kai TUHAN. Iageti koiniakenangan sangamberi siberikabaga ta rapukom.

Ke iorak kai pugejaat baga, iate pasaggangan, besi' simasappo ele pulajeat, puriomaian ka matat lalep nene, kamatam, kalulut onim ai kabagat lalep nene. Samba pusogamaian katubum kabagat puokkimanmai, pat arepinungannia samba arauakenungan kai.

Mansep kateteret ai sia mananatra ka enungan Zis, saggangimuian sia. Paaili te kam ka sia ka tutut su'su, ka matat kudduat simatangeu Jeruel.

Sibara ka senen laggai ka Jehuda ei sia ka Jerusalem ratiddou paroman katubut TUHAN.