Popular Bible Verses from 1Joh. 4

Share

Ka bagat nuntut baga ta anai loto; aipoi nuntut baga simasun masi tataake loto. Aipoi loto ai pei le ka bagat ukuman, samba kasei simaloto ta masun ka bagat nuntut baga.

Kam geti sibara ka Taikamanua le, samba anukalaakean kam nabi sipatataju; aipoi Ketsat sikuddu ka bagamui pei le abeu ka ketsat sikuddu ka polak.

Tapunununtu baga, kalulut Taikamanua le boiki amasipununtuki sita baga.

Sasaraina kilibet baga, kau tapanuntu baga pasasambata, aipoi nuntut baga sibara ka Taikamanua le; samba senen sipunununtu baga, siputututu mata sibara ka Ukkui le samba iagai Taikamanua.

Sitaimanuntu baga, ta iagai Taikamanua, aipoi nuntut baga le Taikamanua.

Ne le nuntut baga: Ta sita amasipununtuki baga Taikamanua, Taikamanua le amasipununtuki sita baga, samba aikoiniake Togania pasiaban ka jota.

Sasaraina kilibet baga, ke kise nuntut bagat Taikamanua ka sita, sita leu mateu panuntu baga pasasambata.

Ka bagat nene le imatotoila nuntut bagat Taikamanua ka sita, ia te kokoiniakena Togania sisasara Taikamanua ka polak, bule tapurimanua kalulut nia.

Ke ai bai sipasikukua, “Manuntu bagaku ka Taikamanua,” tapoi malaga bagania ka sarainania, sipaboboko le nia. Aipoi sitaipununtuki baga sarainania siitconia, ta momoi ipununtuki baga Taikamanua taiitcoketnia.

Kasei simunengake, Jesus, ia te Togat Taikamanua, ka tubunia ipukuddu Taikamanua samba nia ka tubut Taikamanua.

Samba surukat sinilota sibara ka Kristus ia te: Sipununtuki baga Taikamanua, kau leu ipununtuki baga saraininania.

Sasaraina kilibet baga, bui nukaonemi kam senen ketsat, tapoi sibo le kam paketsatketsat, ele sibara ka Taikamanua pa; aipoi amaigingan nabi sipatataju muottou mei ka sangalio polak. Kise le nuaagai kam ketsat sibara ka Taikamanua: Senen ketsat simunengake Jesus Kristus amoian nia ka pusisirimanua, ia te ketsat sibara ka Taikamanua.

Samba senen ketsat sitaimunengake Jesus, ta sibara ka Taikamanua. Ketsat nenda ketsat saggak Kristus le samba pagalaiat nia anuarepman kam kaooinia, samba kineneiget amoian nia ka polak nene.