Popular Bible Verses from USOLWELO 22

Share

Yami nguli mwe Alfwa, mwe Omega, mwe mutangu, mwe kasulasongo, we uputukilo, lie songo.

Talenu, nguneza nikawashi; ni kwononona chami chili hamwe ni yami, mukuhana kuli mweswe nikulita ngwe chitanga chenyi muchipwa.

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.

Talenu, nguneza nikawashi. Kawaha yoze mafunga maliji a uprofeto wa mukanda uno.

Kukuchi kapwa nawa ufuku; o kafupile pangu lia ndeya, chipwe lia tangwa, ka; mumu Mwene Zambi kumakapanguka hali ayo; o kumakayula ndo ku miaka yeswe ya mutolo.

Yoze wakushindakenya yino yuma kanambe ngwenyi, Ewa, nguneza nikawashi. Amene; tweya, Mwene Yesu. Vumbi lia Mwene Yesu Kristu likapwe hamwe ni asandu eswe. Amene.

Ngunashindakenya kuli mweswe mevwa maliji a uprofeto wa mukanda uno; ngwami, Kachi umwe maweza ku yino yuma, kachi Zambi makaweza kuli iye lamba lieka ni lieka, lize linasonewa mu mukanda uno. Nyi kachi umwe machiza ku maliji a mukanda wa uprofeto uno, kachi Zambi makachiza chihanda chenyi ku mutondo wa mwono, ni mu limbo lisandu, ni ku yuma yize yinasonewa mu mukanda uno.