Popular Bible Verses from USOLWELO 21

Share

Iye makakusumuna masoji eswe ku meso jo; ni kufwa kuchichi kapwa nawa; kukuchi kapwa nawa kunenganyana, chipwe miteto, chipwe yikola, ka: mumu yuma yitangu hiyinahu.

Ni yoze watwama ha ngunja wambile ngwenyi, Talenu, ngunatange yuma yeswe yaha. Iye yamba kuli yami ngwenyi, Soneka: mumu yino yuma yamwenemwene kuyishi mahuza.

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.

Yoze makumba makahinga yino yuma; ni yami mungukapwa Zambi yenyi, iye makapwa mwanami.

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Mba namwene lilu liaha ni hashi haha; mumu lilu litangu ni hashi hatangu hiyinahu; ni kalunga-lwiji keshiho nawa.

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.

Limbo kuliafupile tangwa, chipwe kakweji kupangukamo, ka; mumu uhenya wa Zambi hiunalipangulula, ni ndeya yalio, mwe Mwana-panga. Ni mavungu kumakenda mu pangu lialio, ni mianangana a hashi makanehamo uhenya wo.