Popular Bible Verses from MUKANDA WAMUCHITANO WA MOSE Uze Akuvuluka Ngwo SHIMBI YAMUCHIALI 6

Share

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

nukaalongese kanawa kuli ana jenu, nukaatenge pande ha ku! wama mu mazuwo jenu, ha kwenda mu jila, ha kupomba chenu, ha kuhinduka chenu.

Maliji ano, ngunanwambe musono, akapwe ha mbunge jenu

Enu A-Izalele, ivwenu, Yehova Zambi yetu iye Yehova umuwika.

Nukaajichike ha moko jenu akapwe chilayi, akapwe a kukashila mukachi ka meso jenu.

Nukaasoneke ha yipamba ya mazuwo jenu, ni ha yajilo yenu.

Nukavwile woma Yehova Zambi yenu, nukamuvumbike iye, nukalishinge ni jina lienyi.

Muze Yehova Zambi yenu manuhetesa mu chifuchi alishingile iye kuli tulamba twenu ni kuli Apalahama, ni kuli Izake, ni kuli Yakomba, mukunwaha membo anene, apema, enu kunwaatungile, ni mazuwo a tò ni yuma yeswe yipema enu kunwaazalishile, ni mashima a kutota enu kunwaatotele, ni minda ya uva ni mitondo ya olevwe enu kunwayitumbile; munulia ni kukuta, henaho, nukanyame kuchina munuvulama Yehova wanuchijile mu chifuchi cha Engitu, ku zuwo lia upinji.

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka. Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Nulingelinge chize Chinalulama, chipema kumeso ja Yehova; hanga nutwame kawape, hanga nunjile, nuzuke chifuchi chipema chize alishingile Yehova kuhana kuli tulamba twenu

mumu Yehova Zambi yenu yoze uli hakachi kenu iye Zambi ya ukwa, kuchina utenu wa Yehova Zambi yenu muunukasumukina, iye makanukuwisa hashi heswe.

Kanda nukaula tuzambi tweka, tuzambi twa mavungu ananujingilika

Kanda nweseka Yehova Zambi yenu, ngwe nwamwesekele ku Masa.