Popular Bible Verses from WA TIMOTEU 1

Share

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

Alioze ha chikuma chino nawanyine keke, hanga muli yami ngwe mutangu, Yesu Kristu akasolele uhomboloji wenyi weswe, chikapwe cheseko kuli waze mafuliela kuli iye ha mwono wa mutolo.

Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

Nikunyingika chino, shimbi kayikolesele hali mukwa ululi, alioze ayikolesele hali yihulia ni akwa kulolema, ni yitanganyanyi ni yivulumunyi, ni akwa luchisa ni yijiluke, ni akwa kulamba atato, ni akwa kulamba anaye, ni yingalwe, ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu