Popular Bible Verses from Rom 8

Share

Dandu, longu hendre su da golnisden Jehova longu masigane ber boan i da gob hian ge le ndro su, Ndorlaben gin loh su, su aden ge.

Io dono i hian ge, be iou nagmed, be iou mamaren, golnisden ad Jehova i da le bergoldu. Su Angelo, de su ndramed ber boan, longu hendre e hendre ber range, de ber muren, ndoui asu ndorlaben ber boan, gor lundielang de gor ad beld Satan, de longu hendre e hendre ber boan de ber lang, i danen hedi giao golnisden ad Ndorlaben adu Jesu Kristo i da le bergoldu bugane.

Meluan Helian i meher ndro du, i sobani du, iou da heb ndoa bui. Dandu lodu heb monen bui, Meluan i ge, i da sobani du, i da soling le ndro Ndorlaben.

Malabo i hi derbe, ar Jehova i da ndro du, sie gob iil me ndro du?

De dansu dieni su bugane, su ad Jesu Kristo.

Su da hangungerou longu le sengen asu, su na gmed. Su da hanguruen longu le meluan, su mamaren ge, mandri ad Jehova i da ge ndro su.

Longu ogo masigane de danen ndounen du bui, iou ge, io undounen longu masi ogo gle ndoui ad Ndorlaben adu, i da golnisden du.

Io hanguruen longu hendre: Ngendian ber rang ogo i da vonei heb gle engerang ad Ndorlaben bui, i da beg boharni me ndro du.

Sie i beg hedi giao golnisden ad Kristo i da le bergoldu? Ngendian, rang momen, mundrul, iou de bieni Kristo bui, be su hingismad adu, be salo adu bui, be su beg daii du.

Jehova, i danen bergoldu, i danen nongen ad Meluan Helian, i da ha soling le ndro Jehova sidegesi le asu lao ad Jehova Helian dege Jehova i ha lengi.

Su masigane meluan ad Jehova i da rui su, su mbunana ad Jehova.

Su ndramed ge ber sengen, su da hangungerou sidesi momen ge. Su ndramed ber ad Meluan, su hangungerou longu ad Meluan ge.

I da gin hengen me ndro du Ndurn i homo ge, i ginmad le ndro du masigane, i hengen me ndro du longu masi lie.

Meluan ogo, dagara meluadu i da boharni bersi, iou mbunana ad Jehova. Be iou ndurn, iou da hilou, iou ngab le ibdi memrad, memrad ad Jehova, le memrad ad Kristo. Be iou da ibdi ngendian aden, iou gibdi engerang aden le gor lundielang lie.

Ar homo hangungerou sengen aden ge, i bo iil le ndro Jehova, i de delengan le nongen ad Jehova bui, i ndoa le hirong nongen aden bugane.

Longu masi ber boan bergolsu i da gunuen hi bui gle engarang asu ndur Jehova, be Ndorlaben i beg boharni.

Longu masi ber boan i da ngundr malabo le ngendian, i da belengeni rang be i da gmeher gle houen.