Popular Bible Verses from Rom 3

Share

Su masigane gin hinen longu momen, Jehova de danen mugueni homo bui. I da hengen me ndro du masigane golnisden aden ge. I da hanguruen, iou hian monen gane le ndoui ad Jesu Kristo, i da bolumiadu.

Aga mburer ad Jehova hian monen ge, i da gin hinen i gle Jesu Kristo le ndro du masigane, le ndro homo ma homo, i da boro ndoui ad Jesu Kristo. Homo i do da hian bui.

I gin hinen Jesu Kristo surian le longu adu momen, i gin surien longu momen le ndrai ad Jesu Kristo, aga i vonei, aga gord aden le ndro longu momen ber gor. Mahanu Jehova gin belengen su ndramed, de gin surien longu asu momen bui, i dandon molhege. Malabo i gin hinen i boen. I beg henunuen iou masigane, gord aden i da monen gane. I da gin surien longu momen ber gor masi, gin daii Jesu Kristo. Malabo homo ma homo i da boro ndoui ad Jesu Kristo, i monen gane le hanguruen ad Jehova.

Homo i da heb hian monen bui le bormarn ad Jehova be iou ha leng hinen mburer hian ge, beg hinen nongen ad Jehova masi, dandu meher le gor aden bugane. Lo ad Jehova i bosilieni me ndro du, i da henunuen du sehe longu i hian, sehe longu i momen.

Dege su gin hondre: Homo i da hian monen bugane. Homo i ha lengi Jehova bui. Su masigane gin bieni i. Su masigane gina momen ge. Homo i do da bui, i da bo longu hian, ndangen homo i do da bugane.

Jehova i da hinen hom ndramed hian monen gane gle mburer ad hom ndramed hian bui, ar homo i boro ndoui ad Ndorlaben hian, aga i vonei le ndro Jehova.

Bugane, longu hendre i dandon: Jehova, i ndangen ge, hom ndramed ge ber boan, homo ma homo i hom bahilou ge, dege su gin hondre dugian: Gord adem i da monen ge, uo da dieni monen gane, uo de bahilou de la ndro hom hebsa bui.