Popular Bible Verses from Boharni ad Johanes 22

Share

Io ber nandugian, io ber muren lie, io hanu le longu masigane, io muren, heb longu i da muren me ordo bugane.

E lele, io gmeher roud, ma surien la born ndro io, io beg surien mburer ad homo ma homo, dege i gin hinen i, i hian de i momen.

Meluan, ma nambulen ad Jesu i bai: Am ogo! Ar homo i hirong i, i vong i bai: Am ogo! Ar homo goln i mar le ndran i gmeher, ar homo bergoln i gunuen hi bui, su ghengen le ndro i ndran i da mamaren ge gle gous.

Su horuan, su mamaren ge, su gin surhi salo asu gina rosan ge. Dansu ien sengen ber gei, i da hinen su ndramed mamaren i girgai le babi, gle gor lundielang.

E lele, io gmeher roud. I ge, i horuan mamaren ge, i da bogulue nongen ogo ad Provet, i da le buk ogo gle hian ge.

Heb ndrogmoan i do dari bui heb sul bugane, Jehova, Ndorlaben asu, aga i sul, su masi su King manden ge le gor ogo bing si e rang si sidegesi.

I ge, i da gin boharni nongen ogo, i vong i bai: Ehe, io gmeher roud. Amen, gmehere Ndorlaben Jesu. Golnisden ad Ndorlaben Jesu Kristo i da ge ndro su lao aden helian masi! Amen.

Io vong le ndro homo ma homo, i da hirong nongen ber Buk ogo: Ar homo de homo i daui heb nongen le Buk ogo la born, Jehova i rendegien longu momen le ndro i, i da gin bosoui le Buk ogo. Ar homo de homo i hedi heb longu, heb nongen i da le Buk ogo giao, i gohoni i, Jehova i hedi memrad aden giao, i da beg hengen le ndro homo. I da hanguruen momen le ndro Ndorlaben, i de danen ien sengen ber gei bui, i da hinen su ndramed mamaren.