Popular Bible Verses from Ibrani 2

Share

Barang, tagal Antua sandiri su parna sangsara waktu dapa coba par biking dosa, jadi Antua jua bisa tolong orang-orang yang dapa coba biar dong seng biking dosa.

Katong yang Yesus panggel par anana tu cuma manusia. Tagal itu kong Antua datang ka dunya jadi manusia deng hidop sama manusia, biar Antua bisa mati par kasi ancor Setang pung Raja yang pung kuasa par kamatiang.

Tagal Yesus pung kuasa yang paleng luar biasa tu, panting paskali par katong par labe sunggu-sunggu taru kira ajarang yang batul yang katong su dengar, biar katong seng anyo iko ajarang-ajarang yang seng batul.

Itu yang jadi alasang mangapa kong dalang sagala hal Antua musti jadi sama deng katong manusia yang jadi Antua pung sudara-sudara. Antua jadi bagitu biar Antua bisa jadi Imam Basar yang kasi unju Antua pung hati bae deng yang salalu karja iko Allah pung mau biar manusia pung dosa-dosa bisa dapa kasi ampong.

Mar coba pikir soal Yesus. Allah biking Antua sadiki labe randa dari malekat-malekat par sadiki tempo, waktu Antua jadi manusia. Mar sakarang, Allah su kasi dudu Antua di tampa paleng panting biar Antua dapa puji deng hormat. Barang, tagal Allah pung hati bae sampe Antua utus Yesus par sangsara sampe mati par katong samua.