Popular Bible Verses from Ibrani 1

Share

Katong bisa dapa lia Allah pung kuasa yang luar biasa dalang Ana ni pung diri. Dia pung tabiat sama parsis deng Allah. Deng Dia pung kata-kata yang pung kuasa, Dia ator deng biking samua-samua yang ada ni tetap bajalang. La abis kasi barsi manusia pung dosa-dosa, Dia nai ka sorga la dudu di Allah yang pung Kuasa Paleng Basar tu pung sabala kanang, tampa paleng panting.

Basudara e, dolo Allah bicara banya kali deng lewat banya cara par katong orang Israel pung tete-nene moyang lewat Antua pung juru-juru bicara. Mar sakarang, waktu dunya su mau abis ni, Antua su bicara par katong lewat Antua pung Ana. Lewat Antua pung Ana tu, Antua su biking langit deng dunya, lapis deng samua-samua yang ada. La Antua su angka Dia par pegang kuasa par samua-samua yang ada tu.

Jadi, malekat-malekat tu sapa? Dong tu cuma roh-roh yang karja par Allah, yang Allah utus par tolong orang-orang yang nanti dapa kasi salamat.

Antua jua bilang, “Ale tu Tuhan yang dolo paskali su taru pandasi dunya ni deng yang biking langit tu lai. Samua tu nanti ancor binasa, mar Ale tetap ada tarus-tarus. Samua tu nanti rusak macang deng pakiang yang su lama.