Popular Bible Verses from 1 Tesalonika 4

Share

Abis itu, katong yang masi hidop yang parcaya Yesus ni, katong nanti dapa angka ka awang sama-sama deng dong yang baru hidop kombali tu par baku dapa deng Tuhan Yesus di langit. La katong samua nanti tinggal sama-sama deng Antua tarus-tarus.

Barang, waktu Tuhan Yesus turung dari sorga, Antua kasi parenta deng suara basar, malekat pung pamimping tabaos, deng Allah pung trompet babunyi, baru Kristus pung orang-orang yang su mati hidop kombali.

Allah mau kamong musti jaga kamong pung hidop bae-bae biar kamong barsi dari dosa. Jadi, kamong seng bole tidor deng orang yang bukang kamong pung laki ka kamong pung bini. Jang kasi biar kamong pung napsu tu ator kamong pung diri, mar hidop barsi dari dosa, sampe orang-orang taru hormat par kamong.

Katong samua parcaya kalo Yesus su mati la su hidop kombali. Jadi, katong samua jua parcaya kalo nanti waktu Yesus bale kombali, Allah pasti kasi hidop samua orang yang parcaya Yesus yang su mati la angka dong tinggal deng Yesus.

Kamong musti usaha par hidop dame deng samua orang. Jang suka iko campor orang pung urusang. Kamong jua musti karja karas par kamong pung hidop hari-hari. Samua ni katong su bilang akang par kamong.

Barang, Allah pili katong samua bukang par tidor deng orang yang bukang katong pung laki ka katong pung bini, mar par hidop barsi dari dosa.