Popular Bible Verses from 1 Korintus 9

Share

Sapa yang iko lomba apa sa, dia musti batul-batul tau ator dia pung diri dalang sagala hal. Dia biking bagitu tagal dia inging dapa hadia yang bisa ancor. Mar katong, katong biking bagitu par dapa hadia yang seng bisa ancor, yang ada tarus-tarus. Tagal itu, beta seng lari sabarang, mar usaha lari sampe ka garis finis. Ka, macang deng orang yang suka tinju, beta seng asal pukul sa.

Mar, beta lati beta pung diri deng karas sampe beta bisa batul-batul ator akang. Beta biking bagitu biar jang sampe abis kasi tau Kabar Bae par orang laeng, beta sandiri seng tarima hadia dari Allah.

Basudara e! Kamong tau kalo dari samua orang yang iko lomba lari, cuma satu orang sa yang dapa hadia to? Tagal itu, kamong jua musti usaha sunggu-sunggu par iko Tuhan pung mau tarus biar kamong bisa dapa hadia dari Antua.

Kalo beta ada sama-sama deng orang parcaya yang balong batul-batul kuat, beta biking diri macang deng dong biar beta bisa tolong dong par labe parcaya Kristus lai. Jadi, beta usaha par biking diri sama deng samua orang, biar paleng kurang, beta bisa tolong satu dua orang dari dong par parcaya Kristus.