Popular Bible Verses from 'Olic 103

Share

'Adingoaw ako, pipahmek to TAPANG, aka ka pawan to sida'it Ningra.

O mihpolay Cingra to raraw ako a ma^min, o miadahay Cingra to adada ako a ma^min. Pa'oripen Ningra kako a paliyas nai patay, o adayay ato sini'ada Ningra ko sapatamohong i takowanan. Pakaynien Ningra i masamaamaanay a makapahay a maamaan ko saparahker Ningra i takowanan, saka, sako^ngel sa ko tireng ako a tanektek a matiya o 'alilis.

'Adingoaw ako, pipahmek to TAPANG, sarocodaw ako ko faloco' ato tireng a pahmek to fangcalay a ngangan Ningra.

Ano masamaanay ko nika olah no wama to wawa ningra i, hatiraay ko nika olah no TAPANG to mangodoay i Cingraan.

Ano hakowaay ko kararaay no kawali ato ka^tip i, hatiraay ko pipaliyas Ningra to raraw ita i titaanan.

O matomesay no sini'ada ato mikomi ko TAPANG, o caay ka narikay a makter Cingra, o matomesay ko olah Ningra.

Caay pido^do Cingra to raraw ita a mitfoc i titaanan, caay ko nano patlac ita ko sapico'ay Ningra i titaanan. Ano hakowaay ko takaraw no kakarayan a miliyas to sra i, hatiraay ko kakahad no sini'ada Ningra to mangodoay i Cingraan.

Patirengen no TAPANG i kakarayan ko tadamaanay a kamaro'an Ningra, malahongti Cingra a mikowan to kalomaamaan.