Popular Bible Verses from Filipi 1

Share

Oya misatapangay to nga'ayay a tayal i faloco' namo a Kawas ko mamilahci tonini tangasa i piliyawan ni Yis Kristo a tayni saan ko pipaso'lin ako i tamowanan.

Mitolon kako to saki tamowanan. Nanay malcad to nika so'lin no nika fana' namo ato nika fana' namo a mipalita ko nika lomahad no olah namo. Ta mafana' kamo a mipili' a mido^do to sanga'ayay a dmak. Ta makorac kamo, awaay ko tatoro'en a raraw namo i piliyawan ni Kristo a tayni.

Ci Kristo ko patosokan no nika 'orip ako. Saka, ano o nika patayto ako i, o sakaci^poc ako.

Yo maharateng ako kamo i, miahowid kako to Kawas ako

O kakalimlaan i, nanay mahapinang i 'orip namo ko nipido^do namo to Nga'ayay Ratoh ni Kristo. Ta ano tayrayra kako a minengneng tamowanan, ano ^ca i, ano caacaay ka tayra kako i, matngil ako ko nika laccay no faloco' namo a tanektek ato nika laccay namo a misa'icel a pa'ading to nipaso'linan namo a Nga'ayay Ratoh.

O tata'angay a longoc no faloco' ako i, nanay awaay ko kangodoan to sikining ako. Ta matiya o ha:tiniay ko nika ^ca paska ako anini a pasowal. Ta ano nika 'oripto, ano nika patayto ako i, o sapa'dil ci Kristoan ko polong no mako.

Nawhani o sakapitoro' no Kawas i tamowanan a papitoor ci Kristoan i, caay ko pipaso'lin namo Cingraan a ccay. O mamilifet kamo to pades tona mitoor Cingraan.