Popular Bible Verses from Kalatiya 5

Share

Nikawrira, o hci no nipikrid no Fangcalay 'Adingo i, o olah, o lipahak, o rihaday, o kodait, o sini'ada, o nga'ayay, o so'linay a faloco', o damsayay, o paka'metay to tireng. O matiniay a dmak i, awaay ko milalangay a Rikec.

Pa'icel kako i tamowanan a pasowal, ka o makriday no Fangcalay 'Adingo ko dmak namo, ta caay ka toor namo ko 'anof no tireng.

O nano Fangcalay 'Adingo ko sakaci'orip ita. Saka, o tatooren ita ko pikrid no Fangcalay 'Adingo.

O ni Yis Kristo a tamdaw i, o mipacekayto i ciwcika a mipatay to pinangan no tireng ato 'anof no tireng ato 'anof no faloco'.

Mahapinang ko 'anof no tireng ita, o ma'odangay o kaackan ato ma'amlasay a dmak, o mita'ongay to samiyay, o cikawasay, o misa'adaay, o macacoliay, o ma'inapay, o makteray, o misatkeday, o palacinowasay ato micidekay, o mapodohay, o malasangay, o haliacangay to no hkal ato matiniay a romaroma a dmak. Mato nika palimo'ot ako i 'ayaw ko nika palimo'ot ako i tamowanan i matini. O matiniay ko dmak a tamdaw i, caay ko mamalafinawlan no Kitakit no Kawas.

Salikakaaw, o sakapitahidang no Kawas i tamowanan i, o sakapakoniraaw i tamowanan. Nikawrira, o nika matini namo a mapakonira i, caay ko sapitoor to 'anof no tireng, ka o ciolahay ko faloco' namo a madadamadama.

Nawhani liyangen no tireng ko kangalayan no Fangcalay 'Adingo. Liyangen no Fangcalay 'Adingo ko kangalayan no tireng. Masasi'ada konini a tosaay. Orasaka, caay pakalahci kamo to kangalayan namo.

Nawhani, oya <<Samatiyaen o nika olah iso to tireng ko nika olah iso to tao,>> sanay a sowal ko mifaloday to polong no Rikec.

Aka ka lata'ang. Aka ka sasitlii. Aka ka sasi'inap.

O sapakoniraaw no 'orip ita i ka'ayaw no Kawas saka, tdalen ni Kristo kita. Orasaka, satanekteken ko faloco' namo. Akato piliyaw a mica'dong to talo'odan no koli.