Popular Bible Verses from Ifiso 5

Share

Tona o kakaolahan no Kawas a wawa kamo saka, o tatodongen namo Cingra. Pahapinangen ko olah namo i masamaamaanay a dmak namo a matiya o nika olah ni Kristo i titaanan. Kinafalah Cingra to 'orip to saki titaanan a malafangsisay a sapacakat ato sapato'aya i Kawas.

Orasaka, pina'on kamo to dmak. Aka ka matiya o mafolaay a tamdaw, kamatiya o citanengay a tamdaw. Tatiih ko pinangan no aniniay a hkal, saka, kalimlaen ko kanga'ayan namo a romi'ad.

Aka ka lasang no ^pah. Nawhani o mitfaday to 'orip namo konini. Ka o matomesay no Fangcalay 'Adingo kamo. Ka o 'olic ato fangcalay a radiw ato no 'Adingoan a radiw ko sakati'ciw namo a romadiw. Ka o nai faloco'ay namo a radiw ko sapahmek to Tapang a pasayra i Cingraan a romadiw. Ta pakaynien i ngangan no Tapang ita ci Yis Kristoan ko nika rarid a miahowid to Wama a Kawas i masamaamaanay a dmak.

Orasaka, aka ka apa kamo. Kafana' kamo to nika o maan ko nafaloco'an no Tapang.

Kamo o fa'inay i, samatiyaen o nika olah ni Kristo to kiwkay a kinafalah to tireng to saki kiwkay ko nika olah namo to fafahi no tireng.

I ti:yaho i, i to'manay kamo. Anini sato i, malamitoorayto kamo to Tapang saka, i ta^ngadayto kamo. Orasaka, samatiyaen o i ta^ngaday a tamdaw ko dmak namo.

Kasasihaklong kamo, nawhani o mangodoay kamo ci Kristoan.

Kamo o fafahi i, samatiyaen o nipihaklong to Tapang ko pihaklong namo to fa'inay no tireng.

Nikawrira, kamo o kahaccaccay ko roma a nisowalan tonini. Samatiyaen o nika olah to tireng ko nika olah no fa'inay to fafahi. O kakangodoen no fafahi ko fa'inay.

Mato sowal a matilid i Fangcalay Cudad, <<Onini ko saka liyasen no tamdaw ko mama ato ina ningra a malaccay ato fafahi ningra. Malaccayto ko tireng noya tatosaay,>> saan.

Aka pikihatiya to i to'manay o caay ka ci^poc ko dmak a tamdaw. O pikrid cangraan a patayra i ta^ngaday ko nga'ay.