Popular Bible Verses from 2 Korinto 10

Share

Palasawaden niyam ko milalangay to sakafana' no tamdaw to Kawas a misatakaraway a harateng. Paliten niyam ko masamaamaanay a harateng a papitoor i ci Kristoan.

O sapilood niyam a lalosidan i, caay ko no hkalan, o nai Kawasay a ci'icelay a pakaplengay to pisitalaan no 'ada. Onini a lalosidan ko sapipleng niyam to pacfaay a harateng no tamdaw.

Talacowa i tini i hkal ko 'orip niyam, nikawrira, caay pitoor kami to no hkalan a harateng a mico'ay.

Nawhani o so'linay a kahmekan a tamdaw i, o kahmekan no Tapang. Caay ko misamangahay a pacakat to tireng a tamdaw ko kahmekan.