Popular Bible Verses from 1 Korinto 11

Share

Mahrek cangra a komaen i, haenen Ningra ko dmak a mitatoy to takid. Sowal sa ci Yis, <<O todong no rmes Ako konini. O lalowadan no fa^lohay a katatlekan konini. Ano minanom kamo tonini i, haenen ko pidmak a miharateng i Takowanan,>> saan. Orasaka, ano komaen kamo tonini a ^pang atonini a takid i, o patalahkalay kamo a paratoh to patay no Tapang tahira i piliyawan Ningra a tayni.

O nipakafana'an no Tapang i takowanan ko sasowalen ako i tamowanan. Yo mamapacakay ko Tapang ci Yis toya dadaya i, tatoy sa Cingra to ^pang. Ahowid saan i Kawas ta mipcih toya ^pang. Ta sowal sa, <<O todong no makinafalahay to saki tamowanan a tireng Ako konini, haenen ko piharateng namo i Takowanan,>> saan.

O hahapinangen no kahaccaccay ko faloco' ato dmak no tireng, ta komaen to ^pang ato takid no Tapang. Nawhani ano caay pihapinang ko tamdaw to tatodong no tireng no Tapang i 'ayaw no nika komaen ningra i, malasakatfoc ningra ko nika komaen ningra.

Orasaka, ano patdo saan ko cima a komaen to ^pang ato takid no Tapang i, malcad to paacekay, mi^pecay cingra to tireng ato rmes no Tapang.

Pitodong kamo i takowanan a matiya o nipitodong ako i ci Kristoan.