Popular Bible Verses from Markga 16

Share

Egi wawagena: Managre harnaj howarawire egi wankshigra harnaj worag phira wihokhuwiaje.

Egi washa woijanti de‐e wiuinekjanena harnaixgunegi: Rash harnira hiuinarnaga waxopinishishig jangra howahas‐hirekjanena, egi hit’e hijahi jeg hit’airekjanena. Egi wakha‐hipahi ruainegi egi washa wit’ehi rajgaineshge inke washa waishga hiranikjanena, howashara wawikioiregi egi rushjainekjanena.

Egi higu peshe harnaxgungi egi ni‐hawaxu‐hirekjena niaimb‐kjanena, eshi higu peshe inke harnaxgunigi washoshishig howehirekjanena.

Egi harairena, egi wahokhura harnaj houinena, Hirukanara ware wakishu una, egi hoit’era shjawahina washa woijanti hiu‐wagigiga. Amen.

Egi wawagena: Inke naxirawinine, Jesus Nasaretheja herera horani harajena, E naramiheja haisaraj‐hirera, kikawa‐ana, inke higiagnina: Horuxujwire hajinja t’umbhirera.

Egi eja horuxuj‐hiregaja, hajairena inira hijahi hawanainera. Ininaka mashja xetege. Egi wanaxi‐hoshueja hokawairegaja, hajairena wanghojinji hisha hoishoroija minaganakshana, wonashi serej sgaisha hornashi, egi naxirairena.