Popular Bible Verses from rumiya 8

Share

na ililɩŋiḏi ilarno ŋɩdi wei ŋaṯɩlduji kal gete gi ḏiŋiriḏa gi liji lun ləmɩnyu eloŋu lun lorniḏɩnu ŋuɽun ŋe ŋun ŋar ŋal elo gele.

gi gwune nyi gwilɩŋiḏi muma ḏaiya ḏədu no, i ḏɩmiḏa ḏədu no, i ŋɩma ŋeḏi liji leḏi kanyin i ŋeḏi liji ŋədu no, i ŋɩdi ŋun ŋijo gwunnɩno, i ŋun ŋaje ŋila ŋədu no, i ŋele ŋədu no, i ŋun ŋijo kalo gun golelo, i ŋun ŋijo kalo gwola ganu ŋədu no, i ŋɩdi ŋede ŋun ŋigelɩnu ŋədu ŋəṯi ŋɩma ŋijikenyə ganu gi ḏəmɩnyo ḏeḏi elo ḏun ḏaṯɩje ḏi yecu kɩrisṯo gwun gwiro gwele gwage no.

na ŋiro dino gwuɽɩwə gwun gwɩpiḏo pɽul dino gwaṯɩgelejo ḏɩmumɩḏa ḏage uwə; gi gwune ilate ililɩŋiḏi ŋuɽuna ŋun ŋaṯɩlinuməḏɩjo eloŋu gi gwune ŋideleḏo lage no, namɩni gwuɽɩwə gwun gwɩpiḏo pɽul kwulo gwuŋun gwaṯɩɽoṯəḏɩjo eloŋu gwan liŋə ḏərio ḏe gwula ḏun ḏate ḏaṯɩlḏumə no.

na ilarau ŋɩdi ŋeno? ḏa elo maje lage na əḏi gwar gwiro gwar gwɩjikɩdɩḏi?

na dino ḏakɩmino ḏate gwunnɩno gi liji lun lo ḏi yecu kɩrisṯo lun late laṯɩgwujane ŋuɽuna ŋeḏi jiŋɩno no, nalmɩni gwujane ŋeḏi gwuɽɩwə gwun gwɩpiḏo pɽul.

gi gwune ḏigela ŋwuɽa ŋuɽun ŋeḏi aŋɩnu ḏiro ḏaiya, namɩni ḏigela ŋwuɽa ŋuɽun ŋeḏi gwuɽɩwə ŋiro ḏɩmiḏa na ḏouwɩɽiḏa.

awe, ŋɩdi ŋeno wei liŋə ŋiliḏami ŋuṯəno ŋu gwe gwun gwəmɩnyije.

gi gwune nyi gwaṯɩḏuɽə niarno ḏɩḏia ḏeḏi gaja keno ḏate ḏɩdeleḏo ḏɩḏeijo ga ḏoɽeḏa ḏe ḏeḏi elo ḏun ḏaje ḏaŋino lage no.

əḏi gwiro gwijikenyə ganu gi ḏəmɩnyo ḏeḏi kɩrisṯo? ŋuɽun ŋun ŋɩbɩɽe i ḏɩḏia ḏiro a? i ḏiḏagɩɽina a? i jaŋu a, i ḏijaga ŋumuɽino a, i ḏiṯurɩḏa ḏino a? i cɩwiḏ jiro a?

na gwun gwaṯɩbunyi gi dugwor ganu ŋilɩŋiḏulo ŋun ŋɩbunyɩlo gwuɽɩwə gwun gwɩpiḏo pɽul, gi gwune gwaṯɩɽoṯəḏɩjo eloŋu gwan liji lun lɩpiḏo pɽul ŋuɽun ŋe ŋun ŋɩbunyɩlo elo.

gi gwune liji wei lun laṯɩgwuluḏɩni gwuɽɩwə gwe gweḏi elo liro nyaɽe nyeḏi elo.

gi gwune luŋa lun lɩməṯɩnu ŋele ŋe ŋeḏi jiŋɩno laṯɩgele ŋwuɽa ŋwagin ŋuɽun ŋeḏi jiŋɩno, namɩni luŋa lun lɩməṯɩnu ŋele ŋe ŋeḏi gwuɽɩwə gwun gwɩpiḏo pɽul laṯɩgele ŋwuɽa ŋwagin ŋuɽun ŋeḏi gwuɽɩwə.

ŋu gwun gwate gwinəḏi ŋaɽe ŋuŋun no numɩni ḏəḏinijo gwan liŋə wei, na galakwe gwate nuŋwijiḏəḏo dino ŋuŋale ŋɩdio wei ga dino no?

na gwuɽɩwəŋu gwun gwɩpiḏo pɽul dino gwaṯɩteiḏɩjo gwuɽɩwəŋe gwage galo, nuarno, liŋə ilro nyaɽe nyeḏi elo, na ḏa ilmaro nyaɽe, na liŋə ilro lun liɽenyeḏo dino, na ilɩɽenyeḏo ḏi elo, na ilɩɽenyeḏo kɩrisṯoŋale; na ḏa ilmɩḏe ŋuŋale kani nilibuḏi dino ŋuŋale.

gi gwune ŋwuɽa ŋwun ŋwɩgelɩnu ŋɩdi ŋeḏi jiŋɩno ŋiro ŋɩkiḏiḏɩl eloŋale gi gwune ŋwate ŋwɩtienɩjo ŋuɽuna ŋun ŋigelijɩlo elo musaŋ no, na dino ŋate ŋəṯi ŋɩma ŋwɩtienɩjo no.

gi gwune ŋɩdi wei ŋun ŋigelɩnu ŋaṯɩḏuḏɩnɩjo ḏigegila gei ḏəŋinio ḏeḏi nyaɽe nyeḏi elo.

gi gwune ililɩŋiḏi ilarno, kəbe na gwunne ŋɩdi wei ŋun ŋigelɩnu ŋaje ŋeḏinya na ŋal ŋwuɽede enyeḏe nanu kal gete