Popular Bible Verses from rumiya 4

Share

na gwate məṯi ḏubəga gi ḏɩməṯo ḏuŋun ŋuɽun ŋe ŋun ŋuməḏɩjɩlo elo no, gi gwune gwate gwəṯi ḏɩməṯo no, numɩni bɩɽe nanu gi ḏɩməṯo nubuḏi eloŋu, gwilɩŋiḏi muma elo gwəṯi ŋɩma ŋularre ŋiro gi gwune ərune.

gi gwune ŋulinu, nyi maŋəduji baba gweḏi liji leḏi jɩmɩrɩgen jutu—na ŋuɽu ŋeno ŋəṯi jei ganu gi jei ganu jeḏi elo, gwun gwiro elo gwun gwəmɩnyu, gwun gwəmɩḏi lun laiyo na gwumə gwan ŋɩdi ŋun ŋate ŋijo no gi ŋo.

gwun gwiḏəḏinijo ḏaiya gwan ŋuɽun ŋage ŋun ŋɩki, nudiɽi nuŋwijiduji liŋir gi jei ganu jeḏi elo.

na ŋu gwun gwate gwəṯi ḏiḏuḏɩnɩjo no numɩni əmɩnyi ḏiḏuḏɩno ga, na ḏɩməṯo ḏe ḏuŋun nuro baba gweḏi liji leḏi jɩmɩrɩgen jutu gi gwune ŋərɩninu, na dino nyaɽe nyuŋa nyandro.

na ŋuɽun ŋun ŋuməḏɩjɩŋe elo ŋulɩḏəḏə ŋeḏi ḏɩməṯo ŋiro kani alro ŋe ḏiŋiriḏa, na ŋaro gwerkwe gi nyaɽe nyuŋun wei, ləḏu liji lun lijo ŋuɽun ganu ŋun ŋigelijɩlo elo musaŋ kuwei no, namɩni luŋa dino lun ləṯi ḏɩməṯo ḏeḏi ibraim gwun gwiro baba gwage wei

nuarno, ḏɩmoreḏa ḏaje gi liji lun lɩmaliḏuḏɩjo ganu ŋuɽun ŋagin ŋun ŋɩki, na lɩmakɩɽɩbəḏɩnijo ŋuɽuna ŋagin ŋun ŋɩki; ḏɩmoreḏa ḏaje kwiji gwun gwate gwa gwele gwun gwiro elo ḏuɽəḏɩjo ŋuɽuna ŋun ŋɩki no.

gi gwune gɩḏam garau geḏi elo? na ibraim əmɩnyi eloŋu nuḏuɽəḏɩjo ŋuɽun ŋun ŋiŋir.