Popular Bible Verses from Kuuluussi 2

Share

A gwiro ŋinena manyan uminyi al Masiiẖ Yasuuⓐuŋw gwina gwiro Kweleny, athanyan elila ganu. Nyagitini momaŋ dugun gwiro ŋinena kwari gwina gwathimuthini galo didiny, a nyucini dugun, a nyaje momaŋ gi imaan, gwiro ŋinena aliminanyana dugun, nyan biŋa shukr gwai.

Daŋudhul galo dathaji kwiji gweda kiyo dugore dhuŋun dhai dha bebra gwa gidhila, gwina gwuthi ukinejinuŋw ganu gwina gwiro tur, gi dhuŋun dhina dhuthi liji gi dhuŋun dha gidhila peth, a dhati dhiro dha al Masiiẖ no.

A nyaŋa lina laio gi ŋidi ŋalo ŋina ŋike ŋa aŋinu yalo ina yati yurtedhinu no, gimaji midheye ŋeda ŋalai, ŋwudhudhani ganu ŋidi ŋalo peth ŋina ŋike; ŋwubiruthe awaamir gwina gwigukije gi dhuŋun dhina dhulinu, dhina dhiro dhuwan dhega, ŋwulubire, ŋwulapai peth gi lure alaŋ lina limaliganu dina muŋwpudhini masaamiir kaŋinu yuŋun

A dugun oinyadhani peth gwa Kalo gwamuthini galo gi aŋinu yuŋun. A nyaŋa lima oinyadhani dugun, gwina gwiro lira la ŋeleny peth ŋa liji lina luthi ŋelenya a ŋoma.

A minoŋ athanya abrico kwijo gweda dajakimiye gi dhuŋun dha ŋidi ŋa dheny, i ŋadhiye, i gi ŋwamun ŋwa ŋidwa, i gwuwa gwina gwiyaŋ, i ŋwamun ŋwa Sabith no, gwina gwiro dhigirim dha ŋidi ŋina ŋaji ŋila, abi aŋinu iro ya al Masiiẖ.