Popular Bible Verses from 2 Kuurinthuus 5

Share

Minoŋ ada gweta gwimaje gi al Masiiẖ, a ŋeda gwimaro kwiji gwina gwiyaŋ; ŋidi ŋina ŋurun ŋimerna, aŋadhul, ŋidi peth ŋimaro ŋiyaŋ.

Ŋinena muŋw abrico gwina gwati gwiliŋidhi ŋida ŋina ŋike no ŋwuro gwike gwan anaŋa; danaro dhuŋun dhina dhiŋir dha Kalo ŋeda gwai.

(Ŋinena athana elila imaan gwai, a anaŋa lati lathelila je jai no.)

Abi ŋidi peth ŋa Kalo ŋiro, gina gimiji iŋiriye gwan gwidom gwuŋun Yasuuⓐ al Masiiẖ gwai, a gwimijidhedha ŋiro ŋadhi iŋiriye; nyi gwarnu, Kalo gina gijo gi al Masiiẖ giro iŋiriye gwa gidhila kwidom gwuŋun, athuŋwul dhurejo ŋida ŋegen ŋina ŋike no; a ŋwugeta dega ganu dhuŋuna dhan iŋirajiye.

A minoŋ alro ŋinena wukala gwa al Masiiẖ, gwiro ŋinena jina Kalo bupe, aluthe galo gwan al Masiiẖ, iŋiriyul Kalo ŋalai.

A ŋeda gwaio gwan liji peth, di ŋediŋa midhe athil midho midhuŋw gwan lidom legen manaŋ no, abi gwan ŋeda gwina gwaio gwan ŋediŋa, a gwimadire manaŋ. A minoŋ ŋinena anaŋa lati liliŋidhi kwijo gweda gi dhuŋun dha aŋinu no; ada anaŋa limaliŋa al Masiiẖuŋw gi dhuŋun dha aŋinu, abi ŋinena gwati gwiliŋidhana manaŋ no.

Ŋinena ro uminyi gwa al Masiiẖ gwathiji abrico dilje momaŋ; ŋinena uminyana dhuŋuna ibidha, darnu ada gweta gwimai gwan liji peth, a minoŋ peth laio.