Popular Bible Verses from 1 Tiimuuthaawus 6

Share

Apo ŋoŋora ŋina ŋiŋir ŋa imaan, ŋa mutha midhuŋw gwina gwathije gwortal, gwina gwurniyaŋa ko, ŋa teje galo tejuŋw galo gwina gwiŋir gi je ganu ja shuhuud gwoinyadho.

Abi uminyi gwa gwarush gwiro dhuwa dha ŋidi peth ŋina ŋike; ada ŋimal coŋ obadhe galo dilbupe, limadhudhe gi imaan, a limadhuge lidom legen ŋwuredeny ŋwai ŋwoinyadho.

Abi dhuŋun dha dhuminyi Kaloŋa iŋir gwai dugore dhiro dhadhi teyani galo gwina gwinaŋ.

Gwiro ŋinena alŋa lati lunijo kwoiny gwetipo kidhila ibiga no, alŋa ko lati luthi ŋoma lateye kwoiny gwetipo dugun no.

Dhedhi lijo amr lina luthi ŋida ŋoinyadho kidhila ibiga athil neyo lidom legen no, i athilgeto dhunijuŋw gwegen gi ŋeleny ŋina ŋati ŋilliŋidhilo no, albigeta dhunijuŋw gwegen di Kalo, gina gathijidhedha ŋida peth diliŋir dugore.

Abi ŋediŋa lina lathibupe dilro leleny lathide gi idheje a diba, a ŋidi ŋoinyadho ŋina ŋathil dugor amira ŋina ŋati ŋuthi je ganu no a ŋina ŋathumiye lijo ŋiya a ŋina ŋathuleje lijo galo kalo gina gike a ai gwina gwiro gwortal.

A dilapai dhuŋuna dhina dhiŋir, a dilro leleny gi ŋiro ŋina ŋiŋir, aluminyi dilguginejo lijo, aluminyi dilgathaje uwa gi ŋiro ŋina ŋibur; athil anije dhugul dhegen dhina dhiŋir dhan lidom legen di lamun lina laji lila, dilmutha midhuŋw gwina gwathije gwortal.