Popular Bible Verses from Yaˍkok 1

Share

Ga beu yaˍ changˍ mawngˉ namˉ yawng veuˉ, hpawngˍ naeˍ laiˉ ceuˍ na ya myangˉ hpuˍ beu mawnˍ yao ca voˍ. Aˉ mae yao nae baoˉ vaˍ, nawng yumˉ nae nuing ba hingˉ ngaˍ yakˍ naeˍ kap naeˉ hingˉ na ya myangˉ hpuˍ beu, nawng otˆ taw hkiˍ naeˍ hingˉ kaˍ huiˍ laˉ naeˉ na ang bae yaˇ.

Nawng hkaoˉ veu htiˍ hu hu pingˍ nyaˍ baˍ puing nae baoˉ vaˍ, Hpaˍcaoˍ kawngˉ paˉ voˍ. Hpaˍcaoˍ nawˍ baˍ iˍ nae changˉ hkaˉ hko laˉ hko na ang aeˍ piˍ laˍ naeˍ lawˉ, pingˍ nyaˍ paˉ naeˉ uiˉ changˉ na muiˉ piˍ naeˍ yaˇ.

Ga hak naeˉ yaˍ changˍ mawngˉ namˉ yawng veuˉ, tawngˍ kaˍ veu awˍ lawng ningˉ na nawng bae kyaˉ yaˇ. Hao hkaˍ muˍ hkai naeˉ na maenˍ nae naˉ voˍ. Hkaˍ muˍ ang vaiˍ nae baˍ tawpˍ laeˍ jo. Nuing ba ang vaiˍ nae aˍ yinˍ jo.

Nawng htiˍ ceuˍ nae muiˉ baˍ yawmˍ nga aengˉ nae, ku ceuˉ hkaoˉ veu htiˍ puing nae hpeuˍ laˉ naeˉ uiˉ saˍ laiˍ otˆ taw naeˉ uiˉ htiˍ puing ca laˉ beu htiˍ hkeu vaˍ o.

Nawng ngaˍ, ang buinˉ tangˍ na kyaˍ yao vaˍ naeˍ uiˉ changˉ hpeuˍ bu. Kyaˍ naeˍ uiˉ changˉ baˍ hpeuˍ jo. Kyaˍ yao baˍ vaˍ nae uiˉ changˉ ngaˍ, aˍ sangˍ yang beu ang to hingˉ na tiˍ kaeˍ kaeˍ laeˍ naeˍ uiˉ changˉ hpeuˍ naeˍ yaˇ.

Hpawngˍ naeˍ na ya myangˉ beu, otˆ hkiˍ naeˍ maˇ, ang buinˉ huiˍ naeˍ yaˇ. Aˉ mae yao nae baoˉ vaˍ, yakˍ naeˍ kap naeˉ hingˉ na otˆ taw naeˉ nawngˍ veu, htaˍ vaˍ raˆ a sak lapˍ sawngˍ na yang ya naeˉ yaˇ. Htaˍ vaˍ raˆ a sak lapˍ sawngˍ hingˉ ngaˍ Hpaˍcaoˍ na hak naeˉ uiˉ changˉ uiˉ na yang piˍ nae yaˇ nae saˉ caˉ piˍ saˍ jiˍ.

Maenˍ naeˍ uiˉ ang buinˉ hkaˉ hko laˉ hko nae, puing naeˉ uiˉ lapˍ sawngˍ hkaˉ hko laˉ hko, buingˍ htaˍ veu ca naeˉ ang chit ang pa veu Ang vangˉ mangˉ beu lungˍ luiˍ naeˍ yaˇ. Yaˇ baˍ penˍ hki. Yang beu ang chit hingˉ hkaoˉ veu chaˍ chaˍ pengˉ lengˉ muiˉ baˍ ca.

Ciˍ tangˍ hingˍ na kyaˍ yao baˍ vaˍ nae uiˉ changˉ aˉ mangˉ na baˍ upˍ, kaˉ vaengˍ hkaoˍ veu aˍ sangˍ yang beu mae kaˍ na hu naeˉ uiˉ changˉ na tuˉ laˉ naeˉ yaˇ. Yang mae kaˍ na hu peunˉ laeˍ yao, yang awkˍ taw aengˉ beu yang beu mae kaˍ hingˍ nga aˉ mae ca jeuˇ nae yang luimˉ yaˍ laeˍ naeˍ yaˇ.

A vangˉ Hpaˍcaoˍ tawngˍ naˍ veu chaˍ naeˍ kaeˍ naeˍ uiˉ baˍ ca nae ang seungˍ sangˉ na koˉ koiˍ naeˍ hingˉ ngaˍ ningˉ mae yaˇ. Mae maiˉ ba yaˍ nae mae maiˉ ba uiˉ ya tuk ya hpan beu, yawng na hu hpa yao, aˍ sangˍ yang beu ang to veu nuingˉ chaˍ htaˍ veu chaˍ naeˍ uiˉ kanˉ baˍ ya yang naeˉ uiˉ saˍ laiˍ ya chawng naeˉ yaˇ.

Naˍ hokˍ hkaoˍ veu camˍ laˍ naeˍ na ya hkamˉ beu, Hpaˍcaoˍ camˍ laˍ naeˍ yaˇ nae htiˍ hu nae muiˉ baˍ ciˍ jo. Aˉ mae yao nae baoˉ vaˍ naˍ hokˍ uiˍ ceuˉ nawˍ Hpaˍcaoˍ na camˍ yao baˍ kaˍ. Naˍ hokˍ kanˉ na vaˍ naeˍ uiˉ saˍ laiˍ Hpaˍcaoˍ htiˍ hu na muiˉ baˍ camˍ. Changˉ nawˍ aˍ sangˍ yang seu lai naeˉ nuing ba hingˉ ngaˍ, naˍ hokˍ na vaˍ naeˍ uiˉ saˍ laiˍ yang na hpawngˍ yao ca naeˉ yaˇ.

Hao tawngˍ kaˍ veu ca naeˉ yaˍ changˍ mawngˉ namˉ htiˍ hu, mun hpungˉ ang ca ca kyaˉ veu Hpaˍcaoˍ piˉ ca naeˉ pa nae, yaˇ mawnˍ kyaˍ yaˇ.