Popular Bible Verses from Rom 11

Share

Sa̱rei nkyang a shyi i ka̱sa ka ni nka a̱ na̱ yya; nka a̱ bo na̱ breng na yet nkaa. Zi ni dyep Ka̱za rot shii nka na hat a̱ba̱da. Amin!

Shya Ka̱za na ba̱ a̱za̱ncyi nka na bu bvwo nka na byyi ka̱bvwa tyen ba. A̱nyan a̱ ni maai a̱ tyyei kyang a Ka̱za ka hwa a̱ ni yya ni? Ka̱ a̱nyan a̱ ni maai a̱ bvwo na̱ta̱ryen Ka̱za na?

Da̱ni di ba̱ryat Ka̱za ban hywa ni, “A̱nyan a̱ bvwo a̱huhwa A̱gwam Ka̱za? A̱nyan a̱ maai a̱ ku tyyei kyang a myim ni?

Ko ba̱nyying ma ku ri ryi a̱mi, a̱yayring a̱ ri nshyi ba̱nyet ba Ka̱za ka gang a̱ tun rot ka hok dizot mba ni. Ba̱nyet ba ka cat i a̱mi ka gang a̱ pfong dizot mba ti, ba ba̱nyet ba a̱ kwan da̱ a̱ccu mba ni ba; ka̱ a̱mi, ba a̱yin nu a̱ bon dyi dizot nu ti ni ba.

Ba ka̱n tyet mbvak ka̱kon a̱lemu nzaan a̱ jing a̱ ba bu bvak ka̱kon ka̱yit a̱ bun pfwok. Nyin kpikpit nwap a yi ryi di ka̱kon ka̱yit ka ni. Yi shya nwa hok ansham a ba̱nyet Yahuda na ba byyi ni. Rot a̱mi yi ryok byyai ba̱nyet ba ba yin tyet a̱ jing ni ba. Yi ni yya ni n ya cin? Yi yet bu mbvak, nyin a̱mi breng a̱nan na ba. A̱nan na a̱mi a̱ ya breng.