Popular Bible Verses from Pfong Ka̱za 20

Share

Sa̱rei ba̱nyet ba ba shya ba jem a̱yiyrek mba ka̱yat kpa sucet ka ni ba ba ba̱ yrik sa̱rei a̱ krok ka̱yat dudung ndong ka.

N dyi ba̱nyet ba a̱ kwi ni, a̱cecet ba̱ a̱cwwang, ba sseng a̱ta̱ssi a̱ntwam dityok ka. Ba yrang a̱kpa na; a̱ bo yrang kpa yaan, nkpa yin yet kpa ba̱nyet byyi sucet a. Sa̱rei ba̱nyet ba a̱ ta̱za nyyai i dikwu ti ni, koyan ba ku yya shirya ba̱cicrak bu kyang a na̱ yya ni, a̱za̱n kyang a ba jem ka̱yat kpa ka ni.

Wwon a̱yuywu a̱ ma̱n tun nkom mba na a̱ wrak. Dikwu ba a̱yabyen ba ma̱n wrak sa̱rei nkom a ba yin breng ni. Koyan ba ku yya shirya ji ba̱cicrak bu kyang a na̱ yya ni. Wwon ba ta Dikwu ti bu a̱yabyen ka̱yat dudung ndong ka. (Dudung ndong a a̱mi yet dikwu a̱mba̱hwa ti.)

N bo n dyi a̱gba̱dang a̱jijyat a̱ntwam swrang a̱gwam ba̱ a̱tuba nu a̱n swrang ni. Tazwa bu ka̱byen i tyong a̱ta̱ssi nu ka brik.

Ki a̱rya cyi kop iya a̱ bu tyak, ba ni tun Ka̱ta̱nyrang ka a̱ wwon a jaru nu. Ka nwa raai nwap ka̱sa na sa̱rei, ba̱nyet Gog bu Magog. Ka̱ta̱nyrang a̱ ni ba̱ tung sa̱rei a̱ ba mi an zwang, ba ni shii ka̱tswa di jijak a a̱nyring ncen ni.