Popular Bible Verses from Pfong Ka̱za 14

Share

N bo n hok diwan tiyaan nyyai Tazwa ti hywa, “Jem nkyang ani: Ba̱nyet ba a̱ ri ni kwi an pfong Ka̱za nani ni a̱ byyi gwai ba̱gingang.” Tswa Ka̱za ji i hywa, “Ee, ka̱ryong a̱mi, ba ni pfwi pfong mba na, rot zang mpfong mba ji ba̱ tssup.”

Yei ani yet nying gbung rya di ba̱nyet ba a̱ yet ba̱nying Ka̱za ni, ba̱nyet ba a̱ tssup truwang Ka̱za ji ni a̱ bo tyyi ndya mba na di Yesu.

Na̱ yrek diwan nu ti ba̱ ntazwa a̱ hywa, “Yi hok ka̱wun Ka̱za i bu dyep shii nka na, rot ka̱ram yya ka̱sa ka shirya a̱ ba. Yi kok a̱yin nu a̱ yya Tazwa ji bu ka̱byen bu a̱yuywu ba̱shekwot bu nrang ba̱shekwot a sa̱rei ni ntong.”

A̱pfong Ka̱za a̱mba̱tat a̱yaan a̱ bon tssup, a̱ yrek diwan ti ba̱ ntazwa a̱ hywa, “Sa̱rei a̱yin nu a̱ shim a̱ kok nyam jini bu ma̱nwwuk nji na ntong ni, a̱ bo shim ba ku tyyi lamba na a a̱ta̱ssi nu ka ko an bvak nu ka, nu diccu nu a̱ sswa diryen Ka̱za a̱ bo nwa wahala nji ni ka wrak di cet ka̱yat diryen nka ni. Sa̱rei ba̱nyet ba a̱ yya a̱mi ni a̱ ni sswa ka̱bvung ka̱yat ndong bu a̱jijyat ndong a̱ta̱ssi ba̱pfong Ka̱za ba bu A̱truk u. Ncing ka̱bvwa sswa ka̱bvung mba na byyi tyak ba har a̱ba̱da. Di ka̱ta̱nom di ka̱tuk, pfwi nshyi ba, di ba̱nyet ba a̱ kok nyam iya bu ma̱nwwuk nji na ntong ni bu kozan a̱yin nu a̱ byyi lamba diyrek nji na ni.”

N si bo n cyang n dyi A̱truk u na̱ sseng tazwa dihwan ti ban yei Sihiyona nu ni, a̱ shyi bu ba̱nyet cyi kop ncyi bu nswak naai ba̱ a̱naai (144,000). Ba̱nyet iya mba a̱mi ba jem diyrek nu ti bu tinying A̱tyyi ti a na̱ta̱ssi mba na.

N dyi a̱pfong Ka̱za a̱yaan na̱ hruk ntazwa a̱ naat tyyei Ka̱sham Ba̱ryat ka̱nying wityak ka di ba̱nyet ka̱sa ba, wato, kozan nwap, bu kozan ka̱byen, sa̱rei ba̱nyet ka̱sa ba.

A̱pfong Ka̱za a̱mba̱hwa a̱yaan a̱n tssup a̱ hywa, “A̱ kpa! A̱gba̱dang Babila a̱ kpa! Nu a̱ kwak sa̱rei ka̱sa ka ba kan-a̱naan ba̱ nu.”