Popular Bible Verses from Galati 5

Share

Ma Tswa Ka̱za ji cong di cat bu ba̱gwai bu myyi rya bu hakuri bu kun dizot bu ditsatsak bu aminci, a̱ bo tyyi a̱yin a̱ ya breng an kyang ba, a̱ cam diccu nu. Truwang nshyi nbvwo taka̱i nkyang ani ba.

Kyang a n dyat ni nkpa yet: Yi wwon Tswa Ka̱za ji ya kwak ka̱son i swat nyin na, ho yi bu tssup kyang a ndwam nyin na cat i.

Ka̱sak ka zin swat an Tswa Ka̱za ji ni, ryok zi cong bu Tswa Ka̱za ji za jyet sucet iya ni.

Ba̱nyet ba a̱ yet ba̱nying Yesu Kristi ni a̱ ka̱n hywat a̱ka̱tuk hali mba nu bu cat nu na.

Nkyang ndwam a shyi ba̱ a̱za̱kpai, nna yet kan a̱naan bu a̱shishik yya bu sang nsum bu kok nkyang nzaan ntong nta̱mak bu bvok. Ba̱nyet a̱ rak ya ryi a̱ kwan, a̱ swat bu swam ba̱yaan bu diryen nta̱mak bu a̱huhwa nu a̱ seyak cet mba ni. A̱ ya sang a̱n yya na̱srong bu ba̱tswa, bu swam bu hyong bu dira̱ntong bu nkyang nzaan a̱mi. Nkpa n ya ghap da̱ni n yin ya ghap nyyai ka ni: ba̱nyet ba a̱ yya nkyang ani ni a̱ ni maai nwa Dityok Ka̱za ti ba.

Da̱ni da̱ nyin ni ba̱wumbeyang, a̱ ya yei a̱ ga ya san a̱ wwon, ma yi ryok san a̱ccu nyin na i bu si yet hywak a ni tyyi ndwam nyin i sswa cet nyin ni ba. Seko yi tyyi cat ba̱yaan a̱zanson i gi shya ya brang.

Rot a̱ka̱tuk hali njit u a̱ ya byyi bu kyang a Tswa Ka̱za ji zi cat i ba. A̱mi meyang kyang a Tswa Ka̱za ji zi cat i ya byyi bu kyang a a̱ka̱tuk hali njit u na̱ cat i ba. Wato ba yet ba̱ra̱ndwan ba̱yaan, rot a̱mi a̱yin a̱ maai a̱ yya kyang a na̱ cat i ba.

Rot Truwang ji tung sa̱rei an truwang jring: “Cat a̱wumba nwan ka̱sak ka an cat diccu nwan ni.”

Zi ta̱rwam bu yet a̱ccu njit, i ryok byyan ba̱yaan ndya ba, i bu ryok pfong nswam ba̱yaan ba.

Kristi a̱ za san a̱ kai a̱ wwon; nkpa yet kyang a na̱ cat za yya mi ni. Rot a̱mi yi sseng ansham, ho yi bu bu brek si nwa dikwwa brak.