Popular Bible Verses from Ovaroma 3

Share

Avehe ovarunde nu va humburuka kokure na Ndjambi. Nungwari owo avehe ve varwa kutja ovasemba komurungu wa Ndjambi motjimbe tjonguturiro, ndji ri otjiyandjewa tjotjari tje mu Kristus Jesus.

Ndjambi ovandu u ve vara otja ovasemba mena rongamburiro yawo mu Jesus Kristus. Ndjambi u tjita nai ku avehe mbe kambura mu Kristus, tjinga ape hi nombangu oparukaze pokati kawo.

Ndjambi we mu yandja okurira ombunguhiro, ndji mai eta ohanganisiro mokutirahi ombinḓu ye ku imba mbe kambura mu ye. Ndjambi wa tjita nai a raise kutja eye omusemba. Oruveze orukuru eye wa ri nomuretima kourunde wovandu ne ve isire. Nungwari momayuva wa nambano u raisa kutja omusemba: Eye u pangura osemba, nu auhe ngu kambura mu Kristus u mu vara kutja omusemba.

Punao, kape nomundu ngu ma varwa otja omusemba komurungu wa Ndjambi mokuyenenisa inga omaheero wOmatwako. Nu otjiṋa Omatwako tji ye tjita, ye raisa ourunde wovandu.

Orondu omatjangwa maye tja: “Kape nomundu nangarire umwe ngu ri omusemba, kape nomundu omunazondunge nu ngu paha ombango ya Ndjambi. Avehe va poka ku Ndjambi; avehe va zunḓaka; kape na umwe ngu tjita ouwa, nangarire umwe ke po.

Nu, tjiri, matu tjiwa nawa kutja omundu u varwa otja omusemba komurungu wa Ndjambi mena rongamburiro porwayo, nu kamena rokuṱakamisa inga Omatwako.

Kako ka tjiperi nao! Ndjambi omunauatjiri, nomundu auhe omunavizeze otja punga amwa tjangwa momatjangwa: “Oove omusemba momambo woye, nu u kara noutoṋi tji mo pangurwa.”