Popular Bible Verses from Ovafilipi 1

Share

Nu, tjiri, me tjiwa nawa kutja Ndjambi ngwa utire otjiungura otjiwa mu eṋe, mee ketjimana meyuva ndi Kristus Jesus ndi meya.

Nu me kumbu kutja okusuverasana kweṋu ku ryamene ko komurungu, nokutja mu kure mokutjiwa ouatjiri namokusosonona oviṋa momuano omusemba, kokutja mu sore okutoorora imbi mbi ri oviwaviwa. Neṋe otji mamu rire ovakohoke novehinatjipo meyuva Kristus ndi meya

Otja ku ami, okukara nomuinyo okukarera Kristus, nonḓiro yandje okumunina po ondjambi.

Ami mbi tja okuhepa ku Ndjambi aruhe tji me ripura na eṋe.

Nambano otjiṋa otjinanḓengu tjinene okongwi okutja mu kare otja komuhingo wOmbuze Ombwa ya Kristus, nangarire tji meya ne mu munu, nangarire tji mbi ri kokure ne zuu kutja mwa zikama pamwe mombepo imwe, nokutja mu rwira pamwe ongamburiro yOmbuze Ombwa nomutima umwe.

Onḓero yandje onene nomaundjiro wandje okongwi okutja eha ṱisiwa ohoṋi oparukaze mu ngamwa tjiṋa, nungwari aruhe mbi panḓipare, kokutja mu avihe, mbi me hungire na mbi me tjiti, mbi yandje ondjozikiro ku Kristus, kutja omokukara nomuinyo poo omokuṱa.

Ndjambi we mu pa otjari kutja mu karere Kristus, nu kamokukambura mu ye porwako, nungwari wina omokutatumisirwa ye.