Popular Bible Verses from Ovagalate 6

Share

Atu ha urwa okutjita ouwa, orondu tji tu ha urirwe, matu kondo omakondero moruveze orusemba.

Nu ngunda atu noruveze, ngatu tjite ouwa ku avehe, nu tjinene kovakambure ovakwetu.

Vaterasaneye okutjinda omauzeu weṋu. Komuhingo mbwi otji mamu yenenisa indi etwako ra Kristus.

Amu riwovisa oveni: Ndjambi ka nyekererwa. Ihi omundu tji ma kunu, wina otji ma kondo.

Ngu ma kunu mehi rongaro ye youndu mu ro ma kondo mo omakondero wonḓiro; nu ngu ma kunu mehi rOmbepo, eye mOmbepo ndji ma kondo mo omakondero womuinyo waaruhe.

Vakwetu, omundu tja wire mouvi worive, eṋe mbu mu hongorerwa i Ombepo, mu vatereye amamu mu rongo nomutima omutarazu. Nu ṱakamisa kutja ove omuini wina o ha rorwa.

Omundu tji ma tjangovasi eye otjiṋa, ngunda, tjiri, e he ri otjiṋa, me riwovisa omuini. Auhe nge rikonḓonone otja komeritjindiro we omuini. Nu tja munu kutja ovitjitwa vye oviwa, eye ma yenene okurihivira vyo nokuhinokuvisasaneka na imbi vyomukwao. Orondu auhe u sokutjinda omutwaro we omuini.