Popular Bible Verses from Ovagalate 5

Share

Nungwari ovihape vyOmbepo ovyo mbi: Orusuvero, enyando, ohange, omuretima, oupore, omutima omuwa, ouṱakame, omerisusuparisiro nomeritjaerero. Omatwako kaye kuramene oviṋa otja imbi momurungu.

Otjiṋa tji me hee otjo hi: Yandjereye mOmbepo ya Ndjambi arire ndje mu hongorere momahupiro weṋu, notji mu hi nakukovisa ozonḓuma zongaro youndu.

Ndjambi we tu pa omuinyo omupe mOmbepo ye: NOmbepo ndji i sokuturyangisa mongaro ndji.

Imba mbe ri ova Kristus Jesus va papera ongaro yawo youndu puna ozonḓuma nozonḓero zayo azehe kotjikoroise.

Nu oviungura vyongaro youndu ovyo vi tjiukwa nawa, novyo mbi: Oruvakiro, nouhakohoke, nehambaneno rombonḓi; okurikotamena kovisenginina, oundjai, okukarasana ovanavita, onyengo, ozombata, omazenge, oviposa, omahaṋikiro nohaṋi, eruru, okupurukisiwa i omanuwa omazeu, evyaro noviṋa avihe ohamukwao na imbyo. Ami me mu rongo nambano otja tjinga ambe mu rongere rukuru: Imba mbe tjita oviṋa mbi kamaave rumata ouhona wa Ndjambi.

Neṋe, vakwetu, mwa isanenwa okukuturwa. Amu nanisa oukutuke mbwi mokutjita ouvi. Nungwari karerasaneye morusuvero.

Orondu imbi ongaro youndu mbi i nanukira, vi pirukira imbi Ombepo mbi i vanga; nu imbi Ombepo mbi i nanukira, vi pirukira imbi ongaro youndu mbi i vanga. Oviṋa vivari mbi ovinavita kumwe, notji mu hi nokusora okutjita imbi mbi mu vanga.

Orondu Omatwako aehe ye urisiwa metwako rimwe ndi: “Suvera omukweṋu otja tji we risuvera omuini.”

Atu he rihivi, atu ha pindikisasana nu atu ha ṱasana eruru.

Kristus we tu kutura kutja, tjiri, tu rire ovakutuke! Zikameye moukutuke mbwi, nu amu riyandjere okurira ovakarere rukwao!