Popular Bible Verses from Ovagalate 3

Share

Kristus we tu randa kutja e tu kuture kosengiro ndja etwa i Omatwako, eye tjinga a karirira eṱe osengiro. Orondu omatjangwa maye tja: “Ngamwa auhe ngwa paperwa kotjikoroise nga sengwe!”

Otji pe ha sokukara ombangu pokati kOmujuda na ingwi ngu he ri Omujuda, pokati komukarere nomundu ngu ri mouyara na pokati komurumendu nomukazendu. Eṋe amuhe oweṋe vemwe mu Kristus Jesus.

Nu tji mu ri ova Kristus, okutja oweṋe ozondekurona za Abraham, nu mamu pewa imbi Ndjambi mbya kwizika.

Kristus wa tjita nai kokutja ondaya Ndjambi ndja kwizikira Abraham i yandjewe ku imba mbe he ri Ovajuda mu Kristus Jesus, nokutja mena rongamburiro eṱe tu pewe Ombepo Ndjambi ndja kwizika.

Nambano ongahukiro kutja kape nomundu ngu ma varwa otja omusemba komurungu wa Ndjambi motjimbe tjOmatwako, omatjangwa tjinga amaye tja: “Omundu ngwi ngu ma varwa otja omusemba komurungu wa Ndjambi mena rongamburiro, eye ongu ma kara nomuinyo.”