Popular Bible Verses from Ovaefese 6

Share

Orondu eṱe katu nokurwa novandu, nungwari matu ru nozombepo ozonamasa zouye ourunde mbwi, nomauhona nomauvara nozombara zouye mbwi wonḓorera.

Avihe mbi tjiteye amamu kumbu nu mu ningire ku Ndjambi aruhe mOmbepo. Kareye katumba nu aruhe mu kumbire ovakwetu ovakambure avehe.

Ripangaṋeye novirwise Ndjambi mbi me mu pe kokutja mu sore okupirukira omatjendje wa Satan.

Opu mamu sokuripangaṋa novirwise vya Ndjambi nambano! Kutja, eyuva roumba tji re ya, eṋe otji mamu yenene okupirukira omarwisiro womunavita. Nu tji mwa zu nokurwa nga komaandero, ingee mamu zikama.

Nu aruhe tjindeye ongamburiro otja oruvao meke reṋu; orondu nongamburiro ndji mamu sora okuzemisa oviku vyomuriro vyaingwi umwe Omunauvi. Nu zareye ondjamo otja ekori rotjitenda, nu mu toore embo ra Muhona otja engaruvyo rOmbepo.

Opu mwa sokurirongera amwa kutwa nekwamo rouatjiri pomahuri namwa zara ousemba otja mbu ri ombanda yotjitenda yomorukoro, namwa zara omerirongerero wokuzuvarisa Ombuze Ombwa yohange otja nge ri ozongaku kozombaze zeṋu.

Omambo omasenina me tja nai: Zeupareye moruwano na Muhona na momasa we omanene.

“Yozika iho na nyoko”, oro ondi ri etwako enanḓengu; noro wina ri nomakwizikiro nga: “kutja u kare nawa, nu u kare nomuinyo orure kombanda yehi.”

Vanatje, kareye nonḓuviro kovanene veṋu otja mbu mu ri ovakambure tjinga e ri ombango ya Muhona.