Popular Bible Verses from Ovaefese 5

Share

Eṋe tjinga amu ri ovanatje ovasuverwa va Ndjambi, kondjeye okuhorera ku ye. Ongarero yeṋu ngai rire oyorusuvero otja Kristus tje tu suverere notja tja yandjere eṱe omuinyo we otja otjiyandjewa tjombunguhiro ndji tjata ku Ndjambi.

Ṱakamiseye kutja mamu kara nongarero ndja sana pi. Amu kara otja ovandu mbe hi nozondunge, nungwari kareye otja ovanazondunge. Ungurireye oruveze ndu mu na ro okutjita ousemba, tjinga atu ri momayuva omavi.

Amu ripurukisa nomanuwa omazeu, orondu owo maye mu nyono uriri; nungwari Ombepo Ondjapuke nga i hupe mu eṋe. Imburirasaneye omapsalme nomaimburiro nomatangero omayapuke; imburireye Muhona nomutima auhe. Ndjambi Tate aruhe ngamu mu tjere okuhepa koviṋa avihe mena ra Muhona wetu Jesus Kristus.

Opu mu ha sokurira omayova, nungwari kondjeye okutjiwa imbi Muhona mbi ma vanga kutja mu tjite.

Varumendu mbu mwa kupa, suvereye ovakazendu veṋu otja Kristus punga a suverere ombongo ne riyandjere yo omuinyo we.

Rukuru eṋe oveni mwa ri monḓorera, nungwari tjinga amwa rira otjiwaṋa tja Muhona, nambano mu ri mondjerera. Otji mamu sokukara otja ovandu vondjerera.

Auhe nge riwiseye kehi yomukwao mondira ku Kristus.

Vakazendu, mbu mwa kupwa, riwise kehi yovarumendu veṋu otja tjinga amu riwisa kehi ya Muhona.

Nungwari ihi wina otjinanḓengu ku eṋe: Omurumendu auhe ngwa kupa nga suvere omukazendu we otja tje risuvera omuini, nomukazendu auhe ngwa kupwa nga yozike omurumendu we.

Nomatjangwa maye tja: “Omurumendu opu ma zu okuisa ihe na ina na kakakatera komukazendu we, nu aveyevari mave rire onyama imwe.”

Amu kara norupa moviungura vyomungandjo vyonḓorera, nungwari vi eteye kondjerera.