Popular Bible Verses from 2 Ovakorinte 5

Share

Ingwi ngu ri owa Kristus, eye omundu omupe. Imbi ovikuru vya kapita, avihe vya rire ovipe.

Kristus ke na pa tjitire ourunde, nungwari Ndjambi we mu tjita otja omurunde motjimbe tjetu, kokutja eṱe, moruwano na Kristus, tu sore okuisirwa i Ndjambi.

Eṱe omahupiro wetu ye za mu imbi mu tu kambura nungwari ka ezu mu imbi mbi tu muna.

Avihe mbi vya tjitwa i Ndjambi. Nangarire kutja eṱe twa ri ovanavita na ye, eye we tu hanganisa na ye omuini mu Kristus. Neye we tu pa otjiungura tjoukarere womahanganeno. Ombuze yohanganisiro oyokutja Ndjambi wa hanganisa ouye na ye omuini mu Kristus. Nu Ndjambi ka karere nongore nouvi wawo. Nu indji ombuze yohanganisiro we i yandja ku eṱe.

Neṱe tu hungirira po Kristus aayo oNdjambi omuini ongu ma hungire mu eṱe. Eṱe tu riyarikaṋa ku eṋe mena ra Kristus atu tja: Yakureye ohanganisiro Ndjambi ndja tjita mu ye.

Nu eye wa ṱira avehe, kokutja imba mbe nomuinyo ave ha ngara ve nomuinyo mu wo oveni, nungwari a rire ingwi ngwa ṱira wo nu ngwa pendurirwa wo. Nu nambano eṱe katu tji sosonona omundu komuhingo wovandu. Nandarire kutja rukuru twa sosononene Kristus komuhingo wovandu, katu tji nokuuhara amatu mu sosonona nao rukwao.

Orusuvero rwa Kristus ru tu hinga, tjinga atwa tjiwa kutja omundu umwe ngwi wa ṱira avehe, nu ihi matji hee kutja avehe ve norupa monḓiro ye.