Popular Bible Verses from 2 Ovakorinte 4

Share

Omeho wetu kaye tara koviṋa mbi munika, nungwari ye tara ku imbi mbi ha munika, orondu imbi mbi munika ovyo ovyoruveze orusupi uriri, nu imbi mbi ha munika vi karerera aruhe nga aruhe.

Komuhingo mbwi opu tu ha zu okurihahiza. Nandarire kutja omasa wotutu twetu maye yanda, omuinyo wetu womoukoto mau yarurwa koupe eyuva arihe. Okumuna ouzeu kwetu kwanambano oko okupupu nu ku kapita tjimanga, nungwari oko ku tu ungurira ondjozikiro, ndji kapita avihe nu ndji karerera nga aruhe.

Tu ṋiṋikiziwa mu avihe, nungwari katu pama omuinyo; rumwe tu kara mokuivaiva, nungwari katu yaraara; eṱe tu tatumisiwa, nungwari Ndjambi ke tu imbirahi; tu vandwa pehi, nungwari katu hahauka.

Eṱe mbu tu notjihuze hi mu eṱe oveni, tu ri tjimuna ovitjuma vyomunoko, mbi teka tjimanga; omasa nge kapita avihe ye za mu Ndjambi, nu kaye zu mu eṱe.

Owo kave nongamburiro, ozondunge zawo tjinga aze ṱizirwa monḓorera i omukuru omunauvi wouye mbwi, kokutja ave ha munu ondjerera yOmbuze Ombwa. Oyo ondji ri Ombuze Ombwa yongeṋangeṋeno ya Kristus ngu ri osaneno ya Ndjambi.

Ndjambi ngwa tjere: “Ondjerera ngai yere okuza monḓorera,” Eye Ndjambi tjingeye ngwa yerisa ondjerera ye momitima vyetu kutja e tu yerise nondjiviro yongeṋangeṋeno ya Ndjambi, ndji yera okuza mu Jesus Kristus.