Popular Bible Verses from 1 Ovakorinte 6

Share

Kamu nokutjiwa kutja otutu tweṋu oto omaturiro wOmbepo Ondjapuke ndja tura mu eṋe nu ndji mwa pewa i Ndjambi are? Neṋe kaweṋe ouini weṋu oveni, nungwari oweṋe ova Ndjambi. Ndjambi we mu randa okurira ouini we. Otji mamu sokuyozika Ndjambi motutu tweṋu.

Tjiweye nawa kutja imba mbe tjita ouhasemba kamaave kara norupa mouhona wa Ndjambi! Amu riwovisa oveni. Ovandu mbe vakirasana poo mbe rikotamena koomukuru vovisenginina poo mbe katuka otukupo poo mbe nanukirasana mokutundukasana, poo mbe vaka poo ozongopo poo mba ṱomeva wamururu poo mbe yamburura ovakwao poo mbe punda oviṋa, kamaave kara norupa mouhona wa Ndjambi.

Iseye otuvakiro! Ouvi ngamwa auhe omundu mbu ma tjiti kau ṱunu korutu rwe, nungwari omundu ngu vakira eye u tjita ouvi korutu rwe omuini.

“Oviṋa avihe vi ri mouvara wandje,” Ii; nungwari avihe kaviya pwira eṋe. Nami me tja: “Avihe vi ri mouvara wandje,” Nungwari ami hi nokuriyandjera kutja otjiṋa ngamwa atjihe tji ndji ise po omukarere.

Ndjambi momasa we, wa pendura Muhona movakoke, neye wina me tu pendura nomasa we.