Popular Bible Verses from 1 Ovakorinte 5

Share

Tji mba tjanga, mba heya kutja amu ha wana nomundu ngu ritja eye omukambure omukweṋu, nungwari ngu tjita oruvakiro poo ongopo poo ngu rikotamena koomukuru vovisenginina poo omuyamburure poo ngwa ṱomeva wamururu poo erunga. Nu amu roro nangarire ingwi okurya ovikurya puna omundu ngu ri nai.

Eṋe mamu sokukohorora osurise onguru youvi kokutja mu rire ovakohoke okumanuka. Eṋe mamu sana notjisema otjipe tji tji hi nosurise otja hapo tjinga amu ri tjiri. Orondu Kristus ondjona yetu yOpaska, ya punguhirwa eṱe.

Nu hapo katjiungura tjandje okupangura ovandu mbe ha varerwa mombongo ya Kristus. Ndjambi omuini ongu meve pangura. Nungwari eṋe mu sokupangura ovandu wombongo yeṋu oveni. Omatjangwa maye tja: “Ingwi omunauvi nga isiwe mo mokati keṋu!”