Popular Bible Verses from एफिसि 5

Share

नेलाइ परमेस्वरको आनाउ सान्तानगेलाइ दोङ हिसुना, ओदोङ भाअ्सिङ नेलाइको स्वभाव परमेस्वरको भाइपाङ ह्याको। बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

ओदोङ भाअ्सिङ नेलाइ हेसा जियाइस्वाना इङको बारेता हेन्जाङ ख्याल पासु। मुर्खगेलाइ भाइपा माको भरु बुद्दिमानि भाइपा जिबन जियाइसु। बुद्दिमानि दोफा गोताङ आबसरगेलाइ आसल कामको भाअ्सिङ प्रयोग पासु, हाइपालिपानु दिनागेलाइ आखेका हि।

गोरा-चि आम्तेङ माम्हासु, हाइपालिपानु इङकोहोइ द्‍याङगेलाइहेङ आसब्भय आनियन्तिरित तरिकाहोइ ब्याभार पाका बानाइखे, भरु पबित्तरो आत्माहोइ पोङघातेङ हिसु। कालाउ एमिसो भेनेङ दोफा मिलितेङ भजन कालाउ आत्मिक लेगेलाइ लेसु, कालाउ ताइको ह्रदयको ले को पदोगेलाइहोइ बाखानाइ पासु। केलाइको परमप्रभु येसु ख्रिस्ट पाका गोताङ कामको भाअ्सिङ जेलाउलाउ बुङ केलाइको आबा परमेस्वरहेङ धन्यबाद पिसु।

ओदोङ भाअ्सिङ मुर्ख माजेङसु, भरु बुद्दिमानि जेङसु कालाउ प्रभु नेलाइसो हाइ भोअ्खे इङको बुझिलि कोसिस पासु।

ओइ के गेलाइ, ताइको बे हेङ प्रेम पासु, जेसाङ ख्रिस्ट मन्डलिहेङ प्रेम पाखे। कालाउ ख्रिस्ट मन्डलिको भाअ्सिङ ताइको जिबन पिहि।

हाइपालिपानु नेलाइ कितिकितिका हिका द्‍याङगेलाइ कोनिङ हिघासुखेना, कालाउ एला नेलाइ फाइसालामकाको द्‍याङगेलाइ हिसुन्हा, हाइपालिपानु नेलाइ प्रभुको हिसुन्हा। ओदोङ भाअ्सिङ फाइसालामकाको द्‍याङगेलाइ कोनिङ जियाइसु।

केलाइको ख्रिस्ट दोफाको भक्तिको कारनसो एमिसो भेनेङको आधिनता हिसु।

ओइ बे गेलाइ, प्रभुको आधिनता हिका भाइपाङ नेलाइ ता-ताइको के को आधिनता हिसु।

कालाउ या काथा नेलाइता बुङ लागु जेङखे, नेलाइ झाराङ ताइको बे हेङ ताइमिहेङ भाइपाङ प्रेम पालि गोइखे, कालाउ बे बुङ ताइको के हेङ आदार पालि गोइखे।

जेसाङ धर्मसास्तर लेखेका हि, “ओदोङ भाअ्सिङ द्‍याङगेलाइ ताइको आमाइ आबाहेङ लाअ्खे कालाउ ताइको बे दोफा मिलिखे कालाउ इङको न्हेमि एनोङ जिउ जेङखे।”

कितिकितिकाता द्‍याङगेलाइ पाका आखेका काम मापासु। कालाउ एल्का कामगेलाइ पातेङ कितिकितिकाको कामगेलाइ एल्का माको दोअ्तेङ द्‍याङगेलाइहेङ तिङपासु।