Popular Bible Verses from Bilangan Uram 21

Share

Ba, Er Iya Erebdobnyi biryi Musa molona kekebokaburyi, ato ebmou, “Musa, kanci kat keil si tembaga aryi kwatima tok kiknibokabminci, co balang aryi lumubdeibdum. Ba, sun kwatima tok aryi si tobmaci ninyi ara a kwatima asi dibwelebingnyi ura, sun tobmaci dinyi kum dandoka kam kubdobkwaming,” ebmou.

Ura, Musa biryi kat keil si tembaga aryi kwatima tok kiknibokaburyi, kwa co touboka kwa dikeibmou. Ba, a kwatima tok aryi si tobman ninyi ara a kwatima asi kutam sunsunukoka dibwelebne ninyi ara dina kum uca kam kubdobkwamnyi.

Ura, sunci Er Imtamnyi ab, Musa ab asi ato eboka kerenmai, “Musa, kan unatoa ati Mesir mutuk aryi a boyangasurum do? Ba, nun a yini mutuk dam aryi dibkwayeb do? Ara, me ab, roti kwaning ab ababyi ton kum kuramwe. Ani, Er Imtamnyi biryi karesurur kwaning Manna ara dukmanto tenenub,” ebmai.

Asi, Er Iya Erebdobnyi kekebwe ura, kwatima tok ilinto sun Israel ninyi kankan dam arukdongobmou. Ba, anda ninyi si tobmou ba, ninyi ilinto dibdanin binmai.

Ura, sun Israel ninyi Musa dam bindoka uram ato ebmai, “Nunci sirya malyi kubmab. Ara, kan urasin dam ab, Er Iya Erebdobnyi urasin dam ab asi malyito uram eboka arungninto enmab. Ati, Nai kanci nunsi Er Iya Erebdobnyi bisi molobliknibsurum ba, anda kwatima nun dam aryi dobdonokwande,” ebmai. Ura, Musa biryi Er Iya Erebdobnyi bisi sun Israel ninyi ati molobliknibmou.