Popular Bible Verses from Imamat Uram 10

Share

Ura, uki tentok tum aryi sun Harun mabwe bitinyi si Nadab ab, Abihu ab aryi talyi uk kalum kin dinyi dobmareici, a uk kalum uk abdeibmarei. Ato kuboka sirya abdeibdei ura, a uk deici asi tong teleb co yung deibdongoboka dama deiboka uk dabkwamarei. Bok, Er Iya Erebdobnyi biryi sun a dama deiboka uk dabmarei dinyi asi kanyi deiboka kum dobdobmou. Ara, Er Imtamnyi biryi kum arukmou bok asi, dama deiboka molobmarei deyok aryi kanya deiboka kum dobdobmou.

Ura, Musa biryi Harun bisi ato ebmou, “Er Iya Erebdobnyi biryi Er wa in nang ati minob uca ato ebdeiamwe. ‘Ni wa in nang imam nang ara Ni ebdeianyi uram asi diboka talebnuruboka kunubde bankwanung. Ba, sun Israel ninyi nirya ababyi Ni si weik eboka, “Nun molonanyi,” eboka molonkwanunung,’ ebdeiamwe,” ebmou. Bok, Harun bira uram kilikoka tikokmou.

Ura, Er Iya Erebdobnyi biryi uk dobkwetebmou ba, sun bitinyi nong nirya uk yibmou. Ba, Er Iya Erebdobnyi urasintam a dibmarei.