Popular Bible Verses from Yosua Uram 7

Share

Sun Israel nang ara Niryi, ‘A bona talena dona mem,’ eanwe dinyi kum kunubmangci, ukula doboka sun bona kankan iniboka deibdobmang cok, ‘Nun ton kum dobmab,’ ebmang.

Bukokdum! Bukokminci, Israel nang asi ato ebdum, ‘Sun ab Ni ab ambutum ebdankwabmab ati malyi kun dinyi kununa kum uca, teleb dinyi akwe kunuboka kiklina dinyi aryi me kekoka, ongon aling me ilikoka kiknibminikmandarur. Ambutum ara malyi kibdongobsounyi sun kankan aryi wibkabokwamab. Ni Iya Erebdobnyi biryi sun Israel nang ati Niryi mem ebsise dinyi bona talena asi sun dam tuba deiriramunyi ura, mar ibimunyi ababyi sun muna ordongonkwansunung. Ati, sun kankan aryi malyi kun dinyi wibkabokwamab.

A deyok aryi Israel nang sunci Ai atei nang asi muna obman kum kubmar. Eda, Ai atei nang aryi sunsi muna oboka murukdobmang ara sun Israel nang nirya kum dandeibmasin bok, teneboka takmasin. Tonda, sun dona mem en bona talena nirya, ‘Er Imtamnyi dinyi,’ tenen uk kum dabkiriamunyi ura, Nira sunsi kum milibkwansin.