Popular Bible Verses from Ayub Uram 5

Share

Sun Er Imtamnyi biryi erekoka wenerur nang ara Erci kisal dangdur nang kunung. Ati, we, Ayub a, kanda, ‘Er Iya Mikibnyi eterena ara ni li,’ tenena mem. Ninyi asi Erci dilaka sakeibmariryok, tubto tamuboka Erci liboka kweterande. Tonda, Erci kulaboka obmariryok, tubto tamuboka Er taruk aryi kweterdeirirande.

Bok, nira utotoa diboka bingdona kumnyi kurur to ara ni kum kubkwamatinyi. Eda, nira Er Imtamnyi bisi ingkirikdobkwamatinyi. Ani, ni deyok ara Er Imtamnyi taruk dam karebokwamatinyi. Er Imtamnyi biryi ilil tenen dinyi kiknirur. Tonda, ninyi aryi, ‘Er Imtamnyi bira ato kuboka kiknibkwande,’ tenebman kumto dinyi asi kiknirur. Ani, Erci, ‘Nai,’ tenen dinyi kiknirur ara yubwa ilinto nukiribman kumto kuboka kiknirur.

Nabaryi mambul dinyi aryi kansi obminikmakin bok asi, Er Imtamnyi biryi kansi a mambul dinyi dam nirya aryi lordeirikurur. Ani, mambul dinyi tabakdongoboka liki tabaryi dinyi yangarur ababyi kan ton bol kum lirdekurur.