Popular Bible Verses from Hakim-hakim Uram 7

Share

Ura, Er Iya Erebdobnyi biryi Gideon bisi ato ebmou, “Ninyi ilinto ibanmarum ara ni kum ebse to ibanmarum. Ninyi ilinto ibanmamunyi ura, Israel nang aryi ato ebingnyei, ‘Ni taruk aryi Midian ninyi obnaryi lebdandobne,’ eboka erebdangnyei.

Ato, kubmai ura, Er Iya Erebdobnyi biryi Gideon bisi ato ebmou, “Yubwa 300 baryi nang dam aryi, Midian nang asi sun Israel nang taruk dam karebkwamasin. Ba, me si luboka yibmang nang ara, ‘Sun atei yuk-yuk bindarur,’ ebdum,” ebmou.

Ati, ukura sunsi ato ebdum, ‘Unanyi biryi ilil kuboka sirim talebmarinyi bira mutuk kon Gilead dam aryi tamuboka atei birur,’ ebkwandum,” ebmou. Ato ebmou ba, yubwa 22.000 baryi nang tamubmai. Ura, yubwa 10.000 baryi nang demang a takdongobmai.

Takdongobmai bok, Er Iya Erebdobnyi biryi Gideon bisi ato ebmou, “Ninyi ilinto tuba ati, kanci sunsi, ‘Me yirbindarur,’ ebdum. Ato ebminyi ba, Niryi, ‘Anyi bisi mar ibinkwande, anyi bira kum ibinkwande,’ eboka kansi uram dobnyi bok asi, mar ibinkwandarur,” ebmou.

Ato ebmou ba, Gideon biryi ninyi ilinto asi, “Me yiryurbindarur,” ebmou. Ba, me yiryurbinmai talak aryi, Er Iya Erebdobnyi biryi Gideon bisi ato ebmou, “Taruk aryi me kweboka yibmangnyi nang yuk, kutam sunsunuboka si lubmangnyi nang yuk wibkwandum,” ebmou. Ba, taruk aryi kweboka yibmai nang ara yubwa 300 baryi wibmou. Ba, yuk nang da yubwa ara kutam sunsunuboka si lubdobmai.