Popular Bible Verses from Hakim-hakim Uram 16

Share

Ba, a ner aryi, “Simson e, Filistin nang iyangaking e!” ebwe ba, “Minob burongnanto aca,” tenen aryi burongkwe asi lebdobman kum kubmou. Ara, Iya Erebdobnyi biryi ersi miliramwa asi taklobmou ara kum bikmou.

Ba, Simson biryi Er Iya Erebdobnyi bisi ato eboka molobmou, “Nai, Iya Erebdobnyi, Kanci ni luba kibniminyei. Sun Filistin nang aryi ni asing bitinyi nirya kwebkaboknei ati, sunbabyi kisok dakun ati a talak atikwe mikib ton kareabnurum,” eboka molobmou.

Ato kubmou ura, Simson kanyatam boramwe dinyi ato eboka er dei lak ebmou, “Ni otong ara otong kun but aryi otong kunina kumnyi. Ara, ni kwin mundu umbura aryi minob wiboka memnyi kibdeianou. Ni otong kubniting ura, ni mikib ara kum danuturyi, yuk nang mikib ato kubnute,” ebmou.

Ura, a ner aryi tuba-tuba titik-titik erongnamwe ba, er nong mitang kubmouci, kanya darabdobman kum kubmou ura dibman kanya dongobmou.

Ura, Simson biryi ato ebmou, “Filistin nang ab, ni ab tonkwa dibibya ara teleb,” eboka mikib doboka abyokomna wikirtaleramwe uca, akai dakoka bukmou. Ba, Filistin mutuk sien nang nirya ab ur ninyi nirya akai wekmai tok nirya siklibmou. Er kam kuramwe talak aryi oramwe yubwa-yubwa ara mitikto bok, dibkouci obmou yubwa ara ilinto obmou. Ani, er Simson bibabyi tonkwa siklibmou.